移英永居門檻提高　Bnoer風聲鶴唳

大公文匯全媒體報道，話說英國政府收緊移民政策，其中BNO「5+1」安排維變，但申請永久居留的門檻卻顯著提高，英文要達到B2要求，以及個人要有三年可徵稅的入息。消息旋即在移英港人之間炸開了鍋，可以「風聲鶴唳」來形容。

不少移英港人當年賣樓套現，原以退休為目的移英，並無打算重新進修或工作，如今卻面臨語文與收入雙重門檻，可能被迫回港，甚至放棄申請永居。有移英長者在社交平台慘呻：「我本身有學習問題，學歷又低，年紀又大無記憶力去記憶力去記，但我努力了很長時間、終於考完個B1和lifeintheUK合格了。如果變B2我會再努力，但自知之明，到申請嗰日都仲未溫完，當初信了的條件才膽粗粗嚟咗英國，而家真係好惆悵，唔係我唔想努力去溫習、而係根本我嘅能力問題和精神狀況等，攞命。」

有移英港人表示，即使在當地從事基本工作，時薪雖達英國最低工資標準，但若每週工時不足30小時，年總收入仍難符合要求。此外，失業、照顧家庭或從事義工工作的港人也將因收入及稅務紀錄不足而受影響。

不少移英港人在社交平台發文鬧爆英國政府，「如果真係B2就集體訴訟啦！」、「吹雞同英國政府打官司，時間倉促，不符合合理期望」、「政府朝令夕改唔丟架?識唔識英文一回事、平權係另一回事，請不要混浠問題」、「提高門檻冇問題，但唔可以違反當初承諾，朝令夕改」、「呢度個Ｘ街正苦唔搞啲非法難民，呢班由合法途徑喀慨做乜9?!」、「新申請的跟新改的要求沒問題、但已申請的要跟之前的申請要求才對、完！」。

有移英港人則故作鎮定，「其實B2唔係好難、萬一真係考唔到，最多永續BNO VISA，有志者事竟成，共勉之」、「要移民，就一定要重新適應，一定要對英國有最低限度的認識，一定要全身投入英國的生活，一定不要回頭望過去，畢竟地上沒有天堂」、「加油呀、考好個試佢」、「努力、當當年會考咁啦，操英文」、「移民都唔想揀個國家咁多垃圾人口，提高門檻why not?就係唔想呀豬呀狗都入晒嚟。反移民+資源緊縮根本社會大勢所趨邊個上場都一樣會收緊，宜家有份part time、考個試有得你照5+1入籍仲係度吠到拆天，所謂收緊直頭算係10小辣level啦。」