移英港人思鄉病發　眼泛淚光

大公文匯全媒體報道，正所謂無比較無傷害！不少人移民外國後，才知道香港的珍貴。一名移民英國的港人懷念在港生活的美好時光，「掛住一班朋友一齊去玩，打邊爐，飲酒食飯」，心中不禁泛起一陣淡淡的憂傷，話「呢種可能就係思鄉病」。

該名移英港人在社交平台threads抒發情懷，表示已移民英國四年，理應適應了英國生活，一家落地生根，然而近日卻不斷想起昔日在港的種種生活片段，「但呢兩日唔知點解我不停有種透唔到氣感覺，掛住一班朋友一齊去玩，打邊爐，飲酒食飯嘅生活。」

樓主於是打開個人fb翻看舊日美好時光，「轆下轆隻眼泛起淚光，馬上唔敢再睇落去。」

樓主心忖「呢種可能就係思鄉病」，於是找了一位醫生傾訴一下心病，對方建議回港走走，「佢叫我係時侯番去走走，帶我去邊度玩」。

不過，樓主心底十分清楚根本無用，「掛住嘅係以前一大班瘋瘋癲癲，歡天喜地嘅感覺，返到去只係變成幾個人懷緬」。樓主求教網民「有無人都有咁嘅感覺？定還是人到中年就咁？不停想着美好時光emo」。

不少網民留言安慰樓主，「偶爾有呢種想法好正常，加上可能4年剛好過咗新鮮感適應期，真正落實生话。同埋宜家英國開始轉天氣」、「係呀！係掛住以前嘅時光！但係返去, 好多朋友各散東西了 」、「我有日發夢返咗去，落街場打波添，醒返好失落，不過有得必有失」、「適應同鍾意係兩回事，我20年都冇鍾意英國，所以終於都係返咗香港，而家每日都好開心，兩星期前返英國探朋友更加覺得返香港嘅決定係冇錯！」。