個唱尾場不捨落淚　劉德華下一站冀四大天王合體表演

（大公文匯全媒體 特約記者 陳惠芳）劉德華《今天…is the Day演唱會》昨（10日）晚尾場，經過多場演出，團組感情要好，分開在即，女dancer淚流滿面時，華仔替對方抹臉；唱到《心只有你》時，華仔一度熱淚盈眶，更背着觀眾抹眼淚；直到唱完《你是我的女人》，見到和音、樂手全部落淚，華仔亦終於哭了，十分不捨。

劉德華巡迴演唱會香港站圓滿落幕，完騷後華仔在後台開完香檳，更即時飲幾啖，心情大好。華仔接受訪問時表示想一直開落去，感恩今次巡唱十分順利，但自己比較想以另一形式與大家見面。被問會否想開「四大天王」演唱會，劉德華稱：「我想呀，真係想！」

華仔全晚眼濕濕，他感覺是觀眾表演畀自己，所以是歡樂的。「啱啱開始時會比較大壓力，每日都驚自己身體各樣嘢，比較易有感觸，身邊人畀咗好多能量我。」華仔又指因為不想大家太擔心，所以每晚開騷都會盡量小心，而唱《練習》時刪除危險動作，他解釋：「原來有時小心都會有少少意外，為咗唔想大家睇嘅時候，掛住擔心所以改。（有冇畀屋企人話？）少不免。」華仔又指老婆比較擔心，但問到老婆每晚都在場，是否受壓所以改動作，他說：「佢喺度我會好啲。（佢睇咗幾場？）72場！」

華仔每晚都招親「收」老婆，72場下來，是否多咗好多老婆，他表示：「嗰啲玩啫，佢哋返去就唔記得㗎啦。」

對於啟德新場會否感興趣，華仔表示暫時未有諗法，但提到有議員提議邀四大天王辦大型演唱會時，華仔即謂：「我想呀，真係想，因為我哋始終係一個年代嘅表演，如果可以一齊喺嗰度表演係一件盛事。」

相關報道：

（有片）劉德華尾場騷遭報8假案　有人謊稱起火打架有炸彈