Twins巡唱阿嬌身材翻脹　阿Sa出言撐：健康開心就得啦！

（大公文匯全媒體 特約記者 陳惠芳）羅耀輝執導的賀歲片《祥賭必贏》即將於1月28日年廿九登場。昨晚（8日）電影率先在商場舉行「MCPx祥賭必贏贏到過年電影宣傳活動」，逾400位粉絲一早霸位迫爆現場。片中演員蔡卓妍（阿Sa）、張繼聰（阿聰）、朱栢康（阿康）、邱士縉（Stanley）、吳家忻（Kayan）一同出席。當五位主演登場，尖叫歡呼聲此起彼落，場面墟冚。阿聰更有太太謝安琪帶同囡囡到場支持，幸福滿瀉。

阿Sa在片中飾的病態賭徒文菁，大叫「我要賭錢！無人阻到我！」豈料爛賭婆遇着真愛阿聰，令文菁決心為老公戒賭，朱栢康更爆笑化身Oppa大騷韓文。阿Sa又興奮地提到：「收到劇本覺得好正，因為我真係鍾意打麻雀，對麻雀係真愛，無打錢都得！」更爆料拍戲時要為眾演員做麻雀指導，又要練習手玩籌碼的技術，「我仲練咗一招，彈隻牌再接返！」

另外，阿Sa又謂Twins完成世界巡唱後，患上「煞科候群症」，完騷後就抱恙，加上在新曆新年期間出席不少派對及生日會，連聲音都沙啞，現咳出痰後聲音已有好轉。

對於有網民指鍾欣潼（阿嬌）在巡唱身材翻脹，護嬌心切的阿Sa重複說：「開心，健康就得，佢而家健康開心。（網民又話阿嬌跳舞Hea？）攰啫！」有指阿嬌傳出當上內地網紅余衍隆「小三」的緋聞，問到阿嬌現時的感情生活，阿Sa說：「咁大個人啦！（你感情生活呢？）自己有分數。」