讓VIVA同住磨合　張敬軒借出發跡屋立十大規條

（大公文匯全媒體 特約記者 陳惠芳）由姜咏鑫（Ada）、李晞彤（Carina）、馬思惠（Macy）及張鈊貽（VALC）組成的女團VIVA今年五月出道，四人出道半年，為了讓成員之間磨合得更好，一向愛錫後輩的師兄張敬軒決定化身「軒社監」借出自己當年的發跡屋，讓VIVA入住一個月。

軒仔的「發跡屋」位於天后廟道、樓齡過半百的千呎唐樓，是他搬到港島區後，第一間租住的屋。VIVA入住前，軒仔特意添置不少新傢具及裝修，包括：拆窗花、做廚櫃、翻新牆身、換地板及大門。借出發跡屋，軒仔坦言考慮了一段時間，「四個互相唔太熟嘅女仔變成一個組合，係一件唔容易嘅事，自己亦都同佢哋做過幾次嘢，見到仲有好多嘢需要磨合。所以會想佢哋『同居』一個月，或者一齊住仲會更加多磨擦，但係亦都係對佢哋自身嘅關係會更鞏固，更加了解大家。」「軒舍監」親手寫下十大宿社規條：和睦相處、不能帶異性朋友過夜、節約用電安全用電、注意個人衞生、注意鄰舍關係、培養自己的生活習慣、注意室友感受、觀察這個社區、注意房間清潔及學會照顧自己，幽默之餘又充滿愛。

舊地重遊，軒仔回憶返晒嚟，「呢間屋承載咗好多回憶，包括第一次上紅館、成張《No. ELEVEN》、同埋《酷愛》有啲歌嘅Demo，都係喺呢度唱，《故園花茶》都係喺呢度寫。」VIVA早前於韓國集訓時已有同居經驗，但這次正式展開同居生活，四人都有點擔心，但大家已為家務定下分工合作。

更多閱讀：

（有片）澳門開騷獲偶像陳慧嫻捧場　張敬軒表白「感覺似考試」

法國足球大帝亨利落實來港作賽　張敬軒「掛靴30年」為球賽加持