汪阿姐紅館騷　配5個華麗造型登場

香港文匯報報道，一連兩場《阿姐·汪明荃演唱會2024》首場演出已於前晚假紅館舉行，陳百祥、黃杏秀、周慧敏、王浩信和鍾柔美等均是座上客，表演嘉賓則分別為陳慧琳（Kelly）和林家謙。全晚演唱會以不同顏色的珠寶劃分出每一部分，寓意汪明荃（汪阿姐）是演藝圈的瑰寶。在服裝造型大師陳華國精心打造以及背景LED屏幕呈現美不勝收的畫面襯托下，身穿服飾一套比一套華麗的汪阿姐於紅館舞台載歌載舞。

汪阿姐首先以代表黃金的金色造型獻唱《閃爍登場》和《迷人Pink Lady》揭開演唱會序幕。繼而她再唱出《天虹》、《金絲雀》及《秋風秋雨》結束了代表黃金的第一部分。

家謙熱愛《迷人Pink Lady》

汪阿姐以一身寶石紅展開演唱會的第二部分，她一口氣唱了《銀河》、《華麗轉身》和《傾城之戀》。其後介紹了嘉賓林家謙出場。林家謙在台上與汪阿姐傾談，汪阿姐說：「因為我之前未有機會認識你，今次我開演唱會係想同啲新人合作，我問咗好多人現在邊個最Hit作曲？佢哋個個都推薦你，所以我就認識咗林家謙。」汪阿姐又問家謙那麼年輕便作曲是受誰影響？家謙表示是顧家煇，二人也選了煇哥寫的《用愛將心偷》合唱。兩人唱畢《用愛將心偷》後，汪阿姐回到後台，家謙選擇獨唱汪阿姐的《迷人Pink Lady》，他在台上坦言：「呢首歌我自己好鍾意，因為好好聽，同埋當我唔開心，心情麻麻哋嗰陣，我聽完呢首歌就會變返好開心，希望大家聽完我唱都會好開心。」

來到第三部分，汪阿姐換了一套珍珠色配珍珠裝飾的服裝再度出現於台上，先後唱出《家變》、《四季情》。汪阿姐續唱出《輪流轉》和《問我》，之後到羅家英出場，他先以一段棟篤笑和觀眾朋友見面，這段棟篤笑的內容不乏家英哥和汪阿姐的相處之道，最後家英哥更唱出他的首本名曲《Only You》，大施冧功！

對藝術追求包含古今中外

第四部分以翡翠為主題，汪阿姐換了一套碧綠色的服裝繼續演出，先唱了以宋詞為歌詞內容的Medley，氛圍與以《千里江山圖》為靈感創作的中國古典舞劇 《只此青綠》相似，相信是受啟發。果然演出完她對觀眾說：「對藝術嘅追求，絕對係無分國界。無論古今中外，只要係好睇嘅，出色嘅，我都有興趣去學習，去嘗試，而我哋中國就有好多藝術作品，都值得我哋用心去欣賞，剛才幾首詞係出自宋代著名詞人嘅手筆，希望大家都會鍾意。仲要承蒙香港舞蹈團批准佢哋嘅舞蹈家米濤參與舞蹈編排，特別多謝佢哋！而除咗詩詞之外，中國仲有好多好出色嘅小說同戲曲，相信大家都記得，我以前喺電視演出過《楊門女將》嘅穆桂英，當時大家都好鍾意呢個角色，不過我最近升咗Level，因為我想突破自己，所以我喺戲曲裏面，做埋佘太君，睇吓遲啲有無機會試埋楊家將其他角色，到時再畀你哋睇吓！現在我哋就先回味一吓。」汪阿姐便唱出《楊門女將》，以及《春花萬里香》加《採茶山歌》Medley，緊接的是《像白雲像清風》。

Kelly揭被阿姐當面說胖

首場演唱會第二位嘉賓Kelly到台上，並合唱《自由女神》。不過Kelly自爆被阿姐當面說胖了，「其實我同阿姐都有10幾年冇見，我只係喺電視機度成日見到佢，但係真人就好耐冇見。上兩星期我去咗studio同阿姐綵排，阿姐一見到我就話我肥咗，我當時心諗『阿姐！唔係個個人都好似你喺呢50幾年，每一日都係喺最巔峰嘅狀態，我都有失手嘅時候』。」Kelly直言起初以為自己要求高，但原來汪阿姐比她的要求更高一個層次，但就是阿姐的認真態度，多年來深受粉絲愛戴。

第五部分的主題為鑽石，汪阿姐閃爆登場，頭戴皇冠唱出《京華春夢》、《郎歸晚》、《千王群英會》、《勇敢的中國人》和《萬水千山總是情》，並感謝粉絲多年來對她的支持。

在觀眾的一片安歌呼聲下，汪阿姐以中性穿西裝的造型再現台上，先為每位觀眾送上一曲《熱咖啡》，之後伴隨着《美麗娛樂世界》，大熒幕展現汪阿姐過往拍攝劇集的多幅造型照，最後以一首《Make my day》為首晚演出畫上句號。

（來源：香港文匯報B08：娛樂 2024/11/25）z