（有片）澳門開騷獲偶像陳慧嫻捧場　張敬軒表白「感覺似考試」

（大公文匯全媒體 特約記者 陳惠芳）張敬軒自去年於澳門舉行的兩個系列演唱會以來，一直反應熱烈，每次門票開賣均秒速售罄，今晚（17日）尾場門票更被黃牛炒至7000多元一張。由於演唱會門票供不應求，加上軒仔為澳門帶來至少5億的經濟收益，主辦方宣布加開2025年1月11、12、17及18日四場，作為明年綜藝館獨家駐場演出的頭炮之作。

昨晚（16日）軒仔演唱會上迎來一位特別嘉賓，軒仔指唱了14場，昨晚是首次有種考試的感覺，「因為我人生之中其中一位偶像、可以話係我嘅音樂啟蒙老師嚟咗。」他回憶大約是90年代的時候，經常聽一張很經典的唱片及一個演唱會的錄影帶，「所以我覺得今晚係我嘅職業生涯當中一個十分之Remarkable嘅一晚，我要喺度多謝陳慧嫻小姐，多謝你。」

軒仔對着慧嫻「表白」：「你知道嗎？你喺去讀書之前嘅演唱會，我真係由頭睇到落尾，我由Opening一路到Closing，甚至乎成個《跳舞街》嘅Step我都仲跳得出。以下呢首歌可以話係我未變聲嘅時候我唱得最似你，因為我學緊咬字，同埋我覺得你好靚，嗰個演唱會個頭紗同埋嗰條裙，我每次唱呢首歌嘅時候我都覺得好似有一個任務喺身，送俾大家呢首歌《夜機》。」隨後軒仔又向粉絲表白：「開演唱會令自己叉爆電，因為有粉絲滿滿嘅愛。」

完show後，軒仔一如以往走到場館外跟「接放學」的歌迷見面，對歌迷的訴求有求必應，除了不斷向歌迷送上各式各樣的祝福。而未開show前，歌迷已於網上紛紛「呼籲」軒仔唱鄧小巧的《神愛世人》，昨晚「接放學」時，軒仔終首次唱出：「好好好，嗱，我未認真學隻歌，我第一次唱，我自己喺屋企沖涼房唱，我成日聽。」然後便唱出一段副歌，唱畢後笑說：「失禮曬小巧㖭。再一次多謝大家，大家玩得好開心，係玩我玩得好開心呀，哈哈。」

軒仔入圍「叱咤」我最喜愛男手十強，軒仔趁機呼籲fans投票給他，更言如果可以再上台，他會公布人生大事。

相關閱讀：

澳門開騷唱足30場　張敬軒帶挈經濟狂吸金5億