（有片）「安心事件」後首次同台　Sammi開騷與安仔對唱

（大公文匯網 特約記者 陳惠芳）鄭秀文（Sammi）13場「You & Mi世界巡迴演唱會—香港站」等了一年昨日（12日）終正式開鑼。她在開場時感謝觀眾包容，形容過去一年排練演唱會似「籌備婚禮」，每個細節都做到最好，決不令觀眾失望。但演唱會最大驚喜是許志安擔任嘉賓，曾說怕將私事放上舞台的她，這是他們婚後首次夫妻同台，「安心事件」後，Sammi給予了許志安最大支持。

Sammi在3小時演唱會中，唱了38首歌、換了16個造型，由fans勁想聽嘅《記認》到唱K必點《感情線上》《終生美麗》《不拖不欠》，以至新歌《盲盒》，加上40名dancers，演唱會極盡視聽之娱。當大熒幕播出《流水落花》得獎片段時，Sammi 一時感觸落淚，「想藉呢個機會多謝大家，因為我嘅電影之路一直都係好多觀眾陪我走。我知道舊年拎獎時，好多人都替我高興，甚至感動落淚⋯⋯喺呢行工作咁多年，到呢刻我喺度載歌載舞你哋都咁瘋狂，好多謝你哋。」

在唱《世紀末煙花》時，台邊有人以鋼琴伴奏，而當燈光亮起時，觀眾發現許志安現身，身穿黑西裝的他站於琴邊與台中央的Sammi對唱。據知，許志安將會每晚出現，擔任老婆鄭秀文演唱會的嘉賓。

近尾聲Sammi嗚謝時，亦有提到經理人郭啟華（Wallace）：「喺個半月前，佢話突然中風，我知道大家好關心佢，我想講一講，其實佢復原相當唔錯，而家返咗屋企休息，佢都好努力每日練字、講嘢，進步係好神速，我同佢每日都溝通住，佢係充滿正能量同樂觀嘅人！佢話『你自己頂住，樂觀做好個騷』，我應承你我會！」