移英港人呻香港人圈子好恐怖　「佢死佢嘅事」都講得出

大公文匯全媒體報道，不少移英港人最叻圍爐取暖，但只准報喜不准報憂。最近有移英港人就頂唔順，直指「英國其中一樣最恐怖嘅係香港人圈子」，話谷友鍾意搞是非、玩小圈子外，講嘢刻薄又冇同理心，就連「佢死佢嘅事」都講得出。

該名移英港人在社交平台發文表示自己出席過大大小小唔同的聚會，得出的結論是「英國其中一樣最恐怖嘅係香港人圈子」，指除咗貴圈真亂，鍾意搞是非、玩小圈子外，好多人講話刻薄冇同理心。

樓主舉例，有同路人喺群組「問幾句／呻幾句」，但總換來別人攻擊，形容係「串到人哋quit」；有時傾到屋企人，可以講得出「佢死佢嘅事」，而最出名的一句一定係「香港人呃香港人」。

有網民就分享笑料話「講是非就例牌，為方便光明正大咁講仲改晒中文花名，最搞笑係忍唔住叫咗真名，而嗰個人喺度……」，另有網民分享經歷，「我試過因花園淋花駁水管接口問題，好有禮貌咁喺谷請教人，就有撚樣話「你有冇常識㗎？」然後又有好多笑哈哈。最後，係我自己摸索到問題所在和解決方法。」

（來源：點新聞）