84歲老伯遭細29歲內地妻霸屋逼離婚　網民：自作自受

大公文匯全媒體報道，近日76歲何伯與細逾30年的何太忘年戀的故事成為全城熱話，令一條關於84歲老伯娶內地妻後生活的短片亦再度瘋傳。該名老伯10年前迎娶一位比他小29歲的內地太太。但在結婚3年後，太太就和老伯反目，分房而居、鬧離婚，但老伯還要供她吃住。老伯直言：「佢鍾意我啲錢咋！」

短片由一名抖音博主拍攝，片長4分鐘，形式是主持人與老伯的對談。84歲老伯的太太在14年前過身，在鄰居介紹下，4年後娶了比自己年輕29歲的內地女子，兩人婚後一同生活，內地妻子更在嫁給老伯數年後順利拿到身分證。

不過對老伯來說，婚後的生活並不如意，年邁的他要日做8粒鐘賣手機殼糊口，他在銅鑼灣行頭擺檔，時薪100元，日做8小時，每天收入約800元，以往他會將一半收入給內地妻，而家佢話離婚，畀少一半畀200元，仲要包佢食包佢住。內地妻不僅向伯伯攞錢，就算在家煮兩餐俾伯伯食，都要額外收費，早晚煮兩餐粉麵，只係粉麵，加幾粒魚蛋和一些菜，「收我100元兩餐，即係50元一餐」、「水費電費乜都係我㗎，佢話需要養佢㗎」。

結婚初時共枕一張大床，但3年後內地妻就與他分床瞓，伯伯睡在廚房對面的床，妻子則睡在大廳的床，分房時間長達7年，「佢（內地妻子）」而家逼我離婚，佢可能係嫌我老囉。我養佢㗎，佢鍾意我啲錢咋！同埋嗰間屋。間屋就唔係我嘅，交租我交囉。乜都係我㗎！」。

不過，當老伯說同意離婚時，對方卻又突然轉變態度，「佢話離，轉口又話唔離；佢話離婚，我話好啊，佢轉個頭，唉，我唔離喇。佢又喺屋企喇。就算離婚佢都要住喺嗰度㗎啦，佢話嗰間屋佢有一半」。

老伯又提到與兒孫的關係，指自己與首任妻子育有3名兒子及4名孫兒，而3名兒子已50多歲，卻沒一個理會、探望他，「養大3個仔，個個都係大學生，我都唔知點講，無一個理我㗎！」。訪問期間，老伯更一度悲從中來要擦拭眼淚。

老伯的淒慘經歷引發不少關注，但大部份網民並不同情，認為是他自作自受，「70歲為啥要娶第二個老婆呢？」、「唔通貪你有型靚仔咩」，「3個仔都無1個理你，好心自我檢討下啦，肯定背後有原因先搞到妻離子散」。更有網民奉勸何伯引以為鑑。