陳慧琳寄言十年後的自己:我知你一定做得好
![](https://dw-media.tkww.hk/dams/share/image/202405/27/665427d6e4b0fd6f3efa43a7.jpg)
(大公文匯全媒體 特約記者 陳惠芳)黎芷珊主持《芷珊約您》訪問的陳慧琳(Kelly)是不少粉絲偶像,但她兩個兒子卻不知自己媽媽是Superstar。
芷珊問到Kelly家中兩名兒子是否是她的小粉絲時,她秒速回答「肯定唔係」,並自嘲在家中角色是「阿四」:「想使我做乜就做乜,要我拎嘢畀佢哋,好煩架。偶像媽咪?冇呢啲嘢。」Kelly直言大仔最近才知道自己擁有一位Superstar媽咪,並要求媽咪簽名送給同學們:「佢叫我簽幾張,我話簽定一疊你返去慢慢派,話啲老師都係我fans,佢就覺得媽咪真係得架喎!」
![](https://dw-media.tkww.hk/dams/share/image/202405/27/66542795e4b0fd6f3efa4398.jpg)
Kelly被外界公認含住金鎖匙出世,「要風得風,要雨得雨」,她謂:「唔係講到咁誇張、咁有水(錢),中上啦!自己唔係萬花筒,應使則使,要值得,唔可以亂咁揮霍。我唔鍾意over price買over price咗嘅嘢,一分錢一分貨我OK。有紀念價值,或者舞台上面嘅嘢會捨得。」
至於天后如何培育兒子金錢觀念?Kelly指兒子們從同學仔身上聽到「Actress、singer一定好有錢」,會回來問父母家境是否富裕,即使如此,兒子們的「孤寒」金錢概念,為她省下不少金錢:「任何嘢只要過100蚊就覺得貴,佢哋好孤寒架!」Kelly大仔有紀律,細仔聰穎不用操心,故不擔心他們因知道家中有財力支持而變得懶散,倚靠屋企。
![](https://dw-media.tkww.hk/dams/share/image/202405/27/6654280be4b0fd6f3efa43b4.jpg)
現年51歲的Kelly美貌似吃了防腐劑一樣,凍齡指數爆燈。她自嘲沒有化妝的樣子似師奶,自認貪靚從來不會素顏出街。講到她與實際年齡不符,Kelly認為跟睡眠質素,及情緒管理得好有關。「我覺得裏面緊要過外面,情緒要控制得好。喺呢個社會每個人都有壓力,睇你點handle。我應該係高手,因為我瞓到,瞓到覺好緊要!」至於如何紓緩壓力,Kelly認為不要將得失看得太重要。
談到十年後的陳慧琳會是怎麼樣?Kelly表示,會效法天王黎明坐着唱快歌,笑言年紀大有心無力;她更向十年後的陳慧琳說:「做得好呀你,因為我知道你每一日都盡力去做,非常之好!」
評論