「網上行乞」被鬧爆　張致恒解釋唔返工原因

大公文匯全媒體報道，藝人張致恒（Steven）與太太區燕雯（雯雯）育有4子，惟長期生活拮据。張致恒日前在社交平台上載電子錢包二維碼求網民捐助，被網民狠斥他是「網上行乞」。Steven 其後再發文解釋目前無法工作的原因，坦承在生小朋友前沒有足夠的深思熟慮，但現時家庭情況已一步一步改善，承諾一家安頓好後，一定會還清債務。

Steven 於3日晚在Ig限時動態留言，解釋目前無法工作的原因。他寫道：「多謝大家關心，其實我已經有兩份工作，不用再介紹我工作，如果我冇錢係因為我唔去做嘢而畀大家鬧，我冇所謂，但我而家係因為冇人照顧小朋友，所以我出唔到個門口」。

他表示，「事實上一個大人照顧唔到四個咁細嘅小朋友，仲要有一個係需要特別照顧，呢個係我哋生之前唔夠成熟，冇安排好，但係我哋而家已經一步一步改善緊，亦再次喺呢度，多謝真心幫助過我哋嘅人，到我們安頓好，我一定會逐一去還錢畀你哋，我而家唔係唔想還錢，而係根本而家長期都係負。多謝真心幫我哋嘅人體諒我哋。」