李龍基揭未婚妻曾多次拒出境　對天發誓Chris「無喺我身上搵過一個錢」

大公文匯全媒體報道，藝人李龍基的36歲未婚妻王青霞（Chris），涉在港逾期居留，被控逾期居留等6罪，辯方替被告保釋，遭裁判官拒絕，須還柙看管，案件押後至4月16日再審，目前王青霞被還柙到大欖懲教所看管。李龍基今早（21日）自西九龍坐高鐵從廣州返港，駕車趕往大欖懲教所探望還押中的未婚妻。

李龍基及後接受傳媒採訪，提到王青霞多次拒絕一同出國，「舊年去美國，買埋佢機票，就嚟飛得嗰陣，佢話屋企有事唔飛得，咁我取消咗佢嗰張機票，我自己一個飛去美國。嗰陣我都冇懷疑佢咩事，只係信佢屋企真係有事，所以冇理佢。」李龍基補充道：「幾次啦，2023年年頭，2023年年中，我都飛過美加，但佢都係話有事唔跟我去。我又覺得冇事，我登台啫，好快就返，所以完全冇呢個概念。」

對於坊間好多人指Chris為錢才跟他一起，李龍基多謝身邊人及其他人出於好意關心，擔心他受騙。他又當着藍天白雲發誓：「我同佢咁多年，佢從來無喺我身上搵過任何一個『斗零』，呢個絕對的，只不過我啲錢就放喺屋企，妳買餸買乜嘢妳咪攞，但佢唔會攞多，最多都係千零蚊，老實講，咁多年如果我發覺佢真係為我嘅錢的話，唔會發展到今時今日，呢個真嘅。」