發哥幫襯上環兩餸飯被野生捕獲　網民讚超貼地

（大公文匯全媒體 特約記者 陳惠芳）現年68歲的影帝周潤發（發哥）向來生活貼地，不時被網民野生捕獲。發哥今早（29日）又再度登上Facebook群組，今次是有網民在上環一間兩餸飯店舖遇見發哥，在「香港兩餸飯關注組」發文貼出自拍，以及當時發哥買兩餸飯的情況。雖然發哥已不是第一次光顧兩餸飯，但他貼地的一舉一動仍引起網民熱議。

網民在社交網分享兩張照片，一張是發哥正在手指指揀餸，另一張則是與店舖職員的自己照，一如以往都是由發哥揸機，大家笑得開懷。網民留言：「野生捕獲發哥！發哥都去食上環添飯餸呀！」

穿上全黑打扮的發哥，未有引起排在身後的顧客關注，反而是有女店員走到顧客區，拎起手機站在旁邊拍攝，證明發哥魅力比起工作更吸引。不少網民非常羨慕拍攝者：「不知發哥後面的顧客是否知道有奇遇？」「見到發哥同中六合彩差唔多咁開心」「俾我見到發哥我會開心到瞓唔着」。網民又好奇發哥食乜餸：「好想知發哥食乜餸？」「發哥發辦，究竟食咩餸」「係我會俾十餸發哥男神！」「除咗發哥，其他大明星真係唔會食兩餸飯」「夠唔夠營養」「發哥買比（畀）發嫂食喳，佢點會食咁肥嘅嘢呢」。

但有網民認為：「咁多億身家都要食呢D嘢」「發哥幾億身家好心食好D啦，個個食兩餸飯香港經濟點搞」「咁節儉唔通真是傳說中全部都做善事……」等。