冀江美儀 林敏驄拿視帝視后　鮑起靜讚陳展鵬演技有突破

（香港文匯報 記者 梁靜儀）蔣家旻、鮑起靜（鮑姐）、吳家樂及文雪兒等，昨日出席短劇《仁濟心》記者會，擔任劇集旁述的鮑姐，講到大家都落力演出，一時感動得眼濕濕，而劇集男主角袁偉豪昨日以臨時有事為由缺席，未知是否跟他早前曾在社交平台控訴被傳媒針對有關。鮑姐寧願自己不拿獎，也希望江美儀和林敏驄能奪得視帝和視后。她又大讚陳展鵬演技有重大突破。

鮑姐憑劇集《下流上車族》獲提名角逐台慶頒獎禮「最佳女主角」，不過鮑姐就認為自己是老人家，得獎機會不大，反而睇好劇中阿仔林敏驄及新抱江美儀，還有《超能使者》的陳展鵬。鮑姐說：「好榮幸，（有冇信心得獎？） 我將啲得獎信心畀晒新抱（江美儀），希望佢贏視后，最好同個衰仔（林敏驄）一齊拎，佢兩個真係非常出色，我真係冇乜所謂，覺得老人家得獎機會唔會大，（唔想兩母子一齊攞獎？）如果同佢一齊攞，大家會喺台上見到佢蝦我！」鮑姐又稱出街時有很多人叫她Emma婆婆（角色名字），已經開心。

問到她還睇好哪個演員能得獎？鮑姐自言有追看《超能使者》，並大讚陳展鵬、陳山聰及唐詩詠演得揮灑自如：「展鵬真係有突破，詩詠演Q姨真係得。（想展鵬定阿驄贏視帝？）咁要左手同右手猜包剪揼，（會唔會偏心亞視幫？） 多多少少都偏心『亞視幫』，話冇你都唔信，（想唔想亞視幫一齊上台攞獎？）又唔可以太貪心。」

蔣家旻初戀情人似關智斌

另外，蔣家旻表示以前在仁濟旗下的學校讀書，及曾當仁濟之星，所以今次有份參與演出，感到很開心及滿足。她透露劇中飾演遭雙親拋棄的反叛女生，其中更有17歲的學生造型，她笑言最初都怕自己有違和感。問到她求學時是否好反叛？她說：「算乖嘅，唯一反叛係貪靚摺短條校服裙！（好多男仔追？）我唔係最受歡迎嗰啲，唔算多男仔追，但中三時同大我兩年嘅師兄拍拖，𠵱家人哋都結咗婚生埋仔。」

家旻形容初戀男友似足關智斌（Kenny）：「嗰時鍾意呢類型，後來16歲左右我拍劇都見過Kenny，佢對眼大到我唔敢望，真係心心眼。（有冇話佢知，你初戀似佢？）冇，不過佢出個人唱片時，都有簽埋名送畀我，令到我冧滋滋。」

（來源：香港文匯報A26：娛樂 2022/11/24）