港媽爆粗質問幼子講粗口　網民感嘆身教好重要

小朋友最喜歡「有樣學樣」，所以作為父母「身教」至為重要！有網民分享日前在街上遇到一對母子，媽媽爆粗指罵兒子講粗口，兒子亦用粗口回敬，其聲浪之大令旁人為之側目。不少心水清網民都相信孩子的粗口，很大可能從媽媽學來。

該網民在「生仔要考牌」網站撰文，指有一日在街上等過馬路時，旁邊有一名媽媽很大聲責罵身穿幼稚園校服的男童，「你個死衰仔，你老母我咩面都無X晒，你做乜X嘢學人講粗口？」，兒子則回應一句「X，我無呀」。當堂冒火三丈的媽媽再度質問「仆XXX，衰仔，你又講！邊X個教你㗎？係咪同學教你！？」，兒子則大叫大喊否認，惟媽媽稱收到老師投訴，更質疑孩子說謊：「你又講！邊X個教你㗎？係咪同學教你？」。

其後，樓主因要過馬路，未知後續對話，惟兩母子大聲爭拗已引起不少途人的注目。樓主直言，當時很有衝動代小朋友答「咪媽媽你囉！」，但自己只是路人一名，唔好意思就別人家事出聲。樓主感嘆身教真係很重要，認為小朋友只是一張白紙，未必懂分對錯，只會模仿大人的言行，希望該母親知道問題出處「唔該你講少兩句粗口啦，你着到咁靚，但一講嘢，咩形象都無晒」。

（來源：點新聞）