家中老人餐廳工作跣倒　移英黄絲怨醫療嘆慢板

大公文匯全媒體報道，去外國生活唔一定好，仲有機會變得更差！有移民英國的黃絲近日就大呻辛酸史，話家中老人喺餐廳工作時，被地上油跡跣倒，打去搵NHS(國民保健署)咩，結果等足四個鐘架白車先到場。到咗醫院又係要等，醫生相隔近3個鐘後才出現吖，直指「如果等救人命，應該救唔切」。

該名黃絲喺fb專頁「英國香港人生活交流區」發文，話家中老人餐廳工作時，不小心被地上油漬跣倒躦跌倒，頸椎痛，腰痛，胸口又痛，打去NHS到，廣東話翻譯職員問佢情況都問半小時，又稱1小時內，會有白車到場。樓主憶述，架白車4小時後先到場，即清晨4點左右，才安排到醫院檢查。大約清晨5點半前已到醫院，但醫生喺早上8點左右才岀現，進行了全身掃描檢查、心電圖、抽血及留小便。樓主指，雖然檢查方面做得完善，但之後攞藥又要等多45分鐘，到離開醫院時已到早上11點幾喇，大呻英國醫療服務效率實在太慢咁話。