零儲蓄黄絲妄想「一家四口」移英

大公文匯全媒體報道，所謂「人離鄉賤」！真係戥計劃用BNO護照去英國班人捏一把汗。有「黃絲」仍執迷不悟打算透過10月嘅政策移英，佢話自己一家四口有一個小朋友同一隻寵物，但就屬冇儲蓄嘅「月光族」，家下想話用2年半儲定幾十年租金出發，冇理由叫個仔同一齊瞓街咁話喎。

該名「00後」黃絲夫婦近日就喺fb專頁「英國香港人生活交流區」發文，自稱含住鐵鑰匙出世，一家四口有一個小朋友同一隻寵物，嚟緊打算透過10月嘅政策移英，但係就冇儲蓄，因為囝囝出世後由佢(太太)照顧，所以得佢一個人搵錢，每個月交埋租，被迫要做月光族喎。不過呢，囝囝滿兩歲可以返學，太太可以重投職場，預期每月可以儲2萬元，諗住屆時即刻申請BNO Visa，同時儲2年半錢，估計有60萬元喎。因為帶住小朋友，覺得就算買唔到樓，都應該儲定幾十年租金先出發，一個唔覺意有咩意外，冇理由叫個仔一齊瞓街咁話。

不少網友都好奇問「幾十年租金係點計出嚟？」、「六十萬一條友都覺得窄…」。對於樓主表明唔接受人批判佢哋嘅人生，更加唔希望得到任何標籤，有網友揶揄佢只接受人讚佢叻，「有對咁識『諗』嘅父母真係好好」！