前區佬鄭景陽自爆考大巴牌「肥佬」

大公文匯全媒體報道：去年「辭職保平安」嘅觀塘前區議員鄭景陽，年初拍片自爆曾多次見工失敗，日前佢喺喺社交平台發帖，話走咗去考大巴牌，但因為太緊張，落得「肥佬」嘅下場。不過，佢跌咗落地都要揦返拃沙，話自己學完都應該唔會揸巴士搵食喎。

鄭景陽同網民分享考路試時嘅經驗，話「難度比私家車高，轉彎時要左睇右睇，同埋容錯空間唔多，但其實今日我有機會pass的，只係太緊張」。有網民鼓勵佢再接再厲，不過佢就話「發現自己學完都應該唔會揸，再報又要花錢，係咪可以試其他嘢」，又話要反思自己到底擅長於邊一方面喎。