黃絲只拎兩千鎊移英　網民：「聽揸兜啦！」

大公文匯全媒體報道：所謂「人一黃、腦便殘」，有黃絲拎住二千蚊英鎊就學人移民英國，仲要係未到搵工㖭，搞到兩頭唔到岸咁半天吊。有網民留言嘲笑「無番幾幾百萬，有咩資格講移民」、「搵唔到工，聽揸兜啦！」

該名「仙都唔仙下」嘅黃絲，在「英國香港人生活交流區」發帖話，自己前日到埗考文垂（Coventry），手頭只得2000英鎊，計返即係得二萬多港元，佢「刮沙」咁計埋18K港紙(18000元)，話「唔知挨唔挨到搵工」喎。不過，佢仍有閒情逸致去逛超市，話買咗3日餸都係26英鎊，覺得真心平咁話喎。