一家五口全副身家50萬　黄絲妄想移英

大公文匯全媒體報道：黃絲個個都話移民，就算無本事都要跟風移民！最近有黃絲就喺fb專頁「英國香港人生活交流區」投稿，話自己一家五口，為咗下一代想去移民英國，但成副身家只有50萬元，求教網友走唔走得過。可能自知得雞碎咁多錢，實畀人笑都面黃，所以佢就利申話如果真係去到英國，為咗下一代肯做肯捱喎。

講嚟講去，咪又係擺小朋友上枱。不少網友都留言鬧爆佢「為自己就為自己啦，懶偉大甘(咁)話為下一代」、「似乎係想陷害佢嘅下一代多d(啲)喎」；有網友恥笑「自己嘅前途都要擺上Facebook問人」，直指「講出來笑死人，5O萬英磅差不多」，亦有人祝佢一路好走，千祈唔好番嚟！