再有兩「獨」網媒收檔　網友：聽都未聽過

大公文匯全媒體報道，繼《立場新聞》、《眾新聞》、《癲狗日報》先後宣布玩完後，一路發所謂「抗爭」財，靠賣黑暴嘢掠水嘅「獨」媒「夠薑媒體」噚日喺社交平台fb宣布終止部分業務，另一個多次煽動「抗爭」嘅網媒「聚言時報」亦喺fb宣稱停運，但仍不忘抹黑香港，話乜「『聚集民意，合眾起義』放在今天已變成尋釁滋事」云云。

有網友就揶揄：「睇黎（嚟）國安法好有效！舊（嚿）薑唔夠辣。」，話間傳媒要改埋名叫「唔夠薑」；亦有網友笑言：「噴一噴殺蟲水，好多不知名嘅害蟲躝晒出嚟反肚而亡！」，直頭係聽都未聽過就「收咗皮」㖭。