王丹妮自薦做搞笑戲　古天樂支持多拍喜劇

（香港文匯報記者 梁靜儀）古天樂（古仔）與王丹妮及導演梁樂民昨日到銅鑼灣利舞臺出席《點亮傳奇星光旅途開幕禮》揭幕，當中展出名攝影師夏永康（Wing Shya）為電影《梅艷芳》攝影的一系列宣傳照，以及電影花絮。活動上古仔與王丹妮又分享了出道以來最要多謝的人，古仔表示要多謝父母，而王丹妮則要多謝讀設計的師姐鼓勵她入行做模特兒，才獲得演梅艷芳這個角色的機會。

由古仔與王丹妮主演的《梅艷芳》上映短短兩個多星期，票房已衝破4,000萬港元，古仔亦大感意外，並反問：「係咩？好意外，好高興！」他表示知道閒日都有很多觀眾入場睇戲，而他只睇了一次，因近日要開工，而他的媽咪亦有睇，雖然沒有睇到喊，但就有讚好睇，至於爸爸因為不方便出街，所以還未睇，反而他的朋友有包場睇。問到古仔可想票房再多些？他說：「只想拍到好睇而觀眾又鍾意嘅電影，票房冇諗咁多，不過未試過身邊有咁多人睇呢部戲，可能身邊個個都係嗰個年代，有好多回憶。」

古仔指拍喜劇不易

王丹妮就稱已睇了影片好幾次，家人亦有捧場，更有讚好睇，而她每次睇到都被感動到喊，因為有好多位都好有回憶同感觸，喊濕了很多包紙巾，問到是否辛苦到喊？她否認道：「係有使命要做好個角色，辛苦都係值得。」說到她首部電影便成了4,000萬票房女星，她坦言是個好值得鼓舞的數字，亦是整個團隊的努力，亦鼓勵自己都要繼續努力。問到古仔會否提攜後輩，之後找王丹妮拍戲？ 古仔說：「聽聞好多戲搵佢（指王丹妮），只要有潛質嘅演員我哋都會考慮。」王丹妮自爆之前曾自薦做搞笑戲，古仔即說：「咁搞笑？」王丹妮就說：「咁先搞笑。」

古仔認為拍喜劇不易，要好有個人風格、時間要計算得準及要有創意，不知哪個位切入，所以有時度度吓橋都停了，所以香港很少拍笑片，因為劇本很難度，除非是賀歲檔，不過都覺得現時的氣氛適合多拍喜劇。

聖誕將至，古仔表示近日正忙拍一部動作片，打到飛起。王丹妮亦表示要工作，希望能抽時間與家人食聖誕大餐。