「移英大叔」英文唔掂　冇得撈經濟陷拮据

大公文匯全媒體報道，早前有「黃絲」係咁吹噓喺英國做貨車司機年收入可逾57萬港元，結果有移英港人到址後，才先認清自己英文差，喺英國搵唔到食。fb專頁「倫敦人妻先生手記」日前就上載一張「移英大叔」嘅求救帖文，佢話自己係一個50幾歲唔識英文揸吊機地盤佬，過咗英國未夠兩個月，原本安排好工作，但係唔識英文去考唔到牌，公司可能唔要佢，冇得住宿舍，身邊仲帶住一個讀大學嘅女，而家好徬徨咁話。

「移英大叔」話唔想令女兒太擔心影響讀書，所以想求教仲有咩嘢工搵到食喎。「倫敦人妻先生手記」就留言話：「叫人走左(咗)先算，英國藍領好賺好多，賺英鎊洗英鎊嘅人，一律係答唔到呢啲問題。」亦有網民留言話「自掘墳墓，搵鬼可憐！唔識英文走去移民，真係唔自量！」