傳余德寶參選立會　攬炒派群起鬧爆

大公文匯全媒體報道：新一屆立法會選舉提名期剛展開，有傳已辭職嘅油尖旺區議會前副主席、公民黨前執委余德寶有意參選，出戰九龍西地方選區。點知，消息一出就畀攬炒派鬧爆，同為油尖旺前區議員嘅李傲然喺fb不點名評論話余德寶，話「你咁冇品（譯：你這麼沒品）出嚟出選立法會選舉」，仲反問佢有冇思考過自己根本唔會係愛國者一分子，以前鬧政府鬧得咁盡，日後過唔過到資格審查委員會嗰一關喎。

李傲然仲批評余德寶份人冇品，話以前一齊開記者會，事前夾定一人講一啲，「但係一見到記者你都搶晒我啲嘢來講，仲要講完之後即刻轉個頭過嚟問我有冇補充」，話有人「出嚟行走江湖都唔講道義嘅」。另一油尖旺前區議員林兆彬亦留言，話「如屬實，應該是有中間人勸佢吧？」