李佳芯否認因逼婚而分手

（大公文匯網記者 梁靜儀）李佳芯(Ali)、馮盈盈、麥美恩、陸永、C君、蔣志光及泰臣等，今日（24題）到荃灣出席劇集《智能愛人》宣傳活動，一眾演員又重演劇中經典場口外，譚嘉儀亦有到場獻唱劇集主題曲。

Ali今日獲一班fans撑場，她表示因疫情關係已很久沒有到商場出席宣傳活動，不過期間她都有跟fans一起做慈善活動，曾為視障、聽障及輕度弱智人士一同做共融任務，對fans來說亦是一個很好的暑期活動。問到她可有考慮成立慈善基金？Ali説：「希望有咁嘅機會，如果我可以憑個人影響力去做多些有意義嘅事，幫助更多人都係好事，不過我啲fans都好乖，有時我唔能夠出席，佢哋都會自發性去組織做義工同探訪活動。」

談到工作，Ali透露十月便會開拍一部辦公室輕鬆愛情喜劇，她指愛對於人來說好重要。回復單身的Ali，被問到近日有雜誌指她因為逼婚不遂而跟前男友陳炳銓分手？她否認因逼婚而分手：「其實嗰次係一個美容代言訪問，冇諗到最後變咗以感情為主既訪問，嗰啲(內容)都唔係我想要嘅嘢，一向以來感情事我都唔會講太多，總之唔係因為結唔成婚而分手，可能個標題令到件事誇大咗，一定唔會因為一個原因，總之我同佢(指陳炳銓)嘅事我哋自己知，多謝大家關心。」問到下次再拍拖，她可會主動提出結婚？Ali也不排除有此可能：「呢個年代冇乜所謂，最重要係感覺啱嘅就應講同去做，唔一定係女仔就唔可以求婚，如果有對象，大家有心行落去，呢個話題點都會講到，為將來邊個提出都冇所，最緊要係大家有共識，幾時達成就要講timing。」

另外，有報道指Ali與男友分手後，近日遷入大角咀三千多萬豪宅，她說：「其實我對住嘅要求好易滿足，夠用夠住就得，可能因為有幾次喺嗰度出入，大家就以為我住喺嗰度，多謝大家關心，其實為將來我都會努力儲，令自己同屋企人有更好嘅生活，我都想買樓，但係搵錢太辛苦，要睇定啲先。」

馮盈盈在劇中和陸永有感情線，而麥美恩則飾演陸永的家姐，盈盈表示與麥美恩的對手戲並不多，全套劇僅得兩、三場對手戲，所以好珍而重之。近日播出一集盈盈昏迷的戲份，她自爆當日拍到瞓着：「因為拍呢套劇真係好攰，一上床即刻瞓着，不過瞓得好鍾意唔好鼻鼾，拍幾耐就瞓幾耐，我諗都有瞓咗45分鐘。」

談到之前九點半時段的收視一度低迷，《智能愛人》接力播出後令收視反彈，問到兩人會否希望開拍續集？馮盈盈即説想拍：「如果開續集我想扮機械人，當日收劇本嘅我以為自己做AI，我今次個角色安靜好多，都有人估我係咪AI。」

麥美恩就希望飾演一個由人類變做男性機械人的角色。談到她於劇中要跳椅子舞，她表示之前從未跳過這種舞，拍攝前專程上堂學基本功，幸好很快便上手，不過有個鏡頭她要倒吊，由於要拍大頭的關係不能用替身，拍完之後大感辛苦。