陳展鵬黃智賢林夏薇馮盈盈出席《逆天奇案》慶功宴

（大公文匯網記者 梁靜儀）陳展鵬、黃智賢、林夏薇、馮盈盈主演的劇集《逆天奇案》成為「2021年兩線劇集收視冠軍」，昨晚於將軍澳電視城舉行慶功宴，總監製劉家豪亦有偕同太太梅小青出席。

男主角陳展鵬前晚於開席前趕及到場，他解釋因要開工及遇上塞車所以遲來。近日忙於為劇集及新歌宣傳的他，希望今年能推出三首歌。問到剛過去的父親節怎樣慶祝？展鵬笑說：「當日啱啱放假，自己去攞位飲茶食飯，嗰日走兩場，同外父同埋自己爸爸食飯慶祝。」問到女兒「小豬比」可有送禮物給他？展鵬指女兒還小未識，但好乖為他按摩，早上起床又乖乖地遞上拖鞋給他，這已是最好的父親節禮物。對於《逆》劇在內地收視理想，問到會否多了內地工作?他坦言由於還未通關，現時主要都是網上宣傳。

林夏薇(薇薇)表示因家中的狗狗患癌，要到醫院陪牠檢查，幸好下午已蘇醒，故可以趕及出席慶功宴。她形容心情相當矛盾，並眼泛淚光說：「收視好值高興，但星期日晚我收到個壞消息，就係喺廈門13歲隻狗狗離世，我真係好傷心，而喺香港養既大狗「金豬」又患癌，需要接受手術，狗狗打咗麻醉針，我驚佢醒唔返，之後醫生會幫佢照CT （電腦斷層掃描），了解腫瘤情況，如果可以接受手術，好返嘅機會大好多。」

薇薇傷心表示連續兩日接到壞消息，令她相當難受：「狗狗好有靈性，可能佢唔想我唔開心，我唔敢喺佢面前喊，加上「金豬」已十歲，年紀都大怕牠患病痛苦，希望佢可以成功接受手術好返，希望佢健康，會畀多啲正能量比佢。」

馮盈盈對於劇集收視有好成績感到高興，但對於慶功宴好似好陌生，因已唔記得對上一次有劇集慶功是幾時了。提到當晚她的打扮斯文，盈盈笑稱要搣甩『國民妖精』稱號，要做『國民仙女』。

問到她有份演出以選美為題材的劇集是否落實開工日期？她表示暫時仍未收到通知，對於有傳該劇將會加入陳自瑤(Yoyo)演出，盈盈反問：「有咁嘅事？都好喎，其實之前同Yoyo合作機會唔多，只係試過一齊喺《好聲好戲》配音，如果佢參與演出既話實在令人期待，都希望可以喺演戲方面跟佢學習。」