黃店開張被淋紅油　網民譏自導自演

大公文匯全媒體報道：新開張僅一日嘅黃店「巴打鮮菓」元朗分店，噚日喺社交平台出post聲稱被淋紅油，不過，有唔少網民就質疑佢哋喺度自編自導自演，請幾個「爛仔」淋紅油就可以上報紙、有免費宣傳，認真識計數喎。

該店負責人在帖文貼出一張鐵閘俾人用紅油鬼畫符嘅相，然後話：「點係呀，咁大禮，開張就比(畀)驚喜我，咁大賀禮呀，嚇鬼呀×你老×，日日黎(嚟)丫(吖)笨。」佢仲不斷稱自己唔驚，叫淋紅油者「夠薑就正面埋黎(嚟)」咁話。點不知，冇得到預料之中咁多人同情之餘，仲畀人爆話做生意手段蠱惑，食品質素都有問題㖭。