擬獄中完成學位　胡志偉預要坐好耐監

大公文匯全媒體報道，攬炒初選案大部分被告繼續還押，其中被揭「收埋」BNO護照違反法庭保釋條件嘅民主黨前主席胡志偉，目前喺荔枝角收押所還押。攬炒派前立法會議員邵家臻、莫乃光日前去探監，其後 fb透露，被單獨囚禁嘅志偉計劃修讀正規課程，希望在囚期間完成一啲學位，話現時有興趣讀的是關於「公共財政」的專題喎。話時話，學位課程的一般修讀期為4年，胡志偉想完成一啲學位，睇嚟佢預咗要坐好耐監喇。

邵家臻帖文指，胡志偉已適應監房的生活，每日都有很多時間讀書，甚至乎要慳啲慳啲咁讀，怕一下子讀晒6本書。他轉述胡叮囑喺監獄外嘅人「要守住還可以守住的地方，伺機而動」云云，攬炒之心仍不息。